Intervista e Cristiano Ronaldos me Pierce Morgan do të jetë për disa kohë titull kryesor në media. Portugezi nuk kurseu as gjënë më të vogël teksa shpalosi të gjitha pakënaqësitë dhe kritikat që ka për klubin ku ka shkruar historinë dhe aktualisht bën pjesë, Manchester United. Fjalëve të tij, çuditërisht u bashkohet edhe Gary Neville, i cili Ronaldo e përmendi se ai, bashkë me Rooneyn nuk janë më shokët e tij.
“Pyes veten se çfarë po bën Manchester United sepse realiteti është se ata e dinë se duhet t’i ndërpresin kontratën, ndryshe do të krijojnë një precedent ku lejojnë që lojtarët të kritikojnë klubin në të ardhmen.
Jam dakord me disa nga fjalët që Cristiano ka thënë dhe shumë fansta të United janë dakord gjithashtu me shumë prej gjërave që ai tha. Por, realiteti është se ti je një punojës në një kompani dhe nëse thua ato gjëra, punëdhënësi juaj duhet t’i japë fund dhe Mnchester United duhet ta bëjë në ditët në vazhdim.”- u shpreh Neville për Sky Sports.
Lexo gjithashtu
