Partizani luajti sot kundër Lushnjës, ndeshje e vlefshme për javën e 13-të të Superiores.
Ky takim përfundoi me rezultatin 3-0 në favor të të kuqve.
Të pranishëm në këtë ndeshje ishin edhe tifozët e zjarrtë, "Ultras-Guerrils" që mbështetën skuadrën e Partizanit në mes të shiut.
Mes tyre kishte edhe femra dhe tashmë në rrjetet sociale ka nisur të qarkullojë një video teksa shihet njëra prej tyre që kryen nevojat personale pas tribunës së tifozëve.
Në fakt kjo çështje është trajtuar me ironi e me sarkazëm.
Natyrshëm lind pyetja: A do ta bënim të gjithë këtë veprim? Nën zë do të qeshnim duke pohuar, ndërsa "për sy e faqe" jo do thonim.
Realiteti është i hidhur, por në Shqipëri infrastruktura e tillë është.
Duhet t'i mëshojmë fort faktit që kushtet nëpër stadiume duhet të rregullohen.
Duhet të lëmë mënjanë ironitë, batutat apo edhe të qeshurat për të tilla raste, ku ka më shumë vend për të qarë për kushtet mjerane në të cilat gjendet infrastruktura e futbollit tonë.
"Shënjestër" këtë herë qe vajza në fjalë, por herën tjetër mund të jemi ne.
Nevoja fiziologjike janë të pashmangshme, ndaj të shpresojmë dhe të punojmë të gjithë për të arritur sadopak standartin e futbollit europian. /Newsport.al/
Lexo gjithashtu
