Ilir Daja, për shumë njerëz, është trajneri më i mirë shqiptar në qarkullim. Sukseset flasin të gjitha në favor të tij. Pasi pushtoi Superioren në Shqipëri, Daja po bën të njëjtën edhe me Ballkanin në Kosovë teksa ka rritur edhe një sukses të jashtëzakonshëm duke u futur për herë të parë në histori në grupet e Conference League.
Sukseset e tij bëjnë jehonë në media por vetë tekniku 56-vjeçar është i “heshtur” në këtë pjesë. Në një intervistë të rrallë të tij, ai shpjegon për gazetaren e RTK, Qeqa Krelani, se përsë nuk shfaqet shpesh në media.
"Që në momentin që komunikuam ju thash që prezantimin e parë do ta bëj për RTK dhe arsyeja është respekti goxha i madh që kam për ju si gazetare. Nuk kam dhënë asnjë intervistë deri më sot. Ky është karakteri im, profili im. Unë merrem gjithë kohës me ekipin që drejtoj.
Sigurisht që trendi i kohës është që të merresh edhe me portalet sepse ato kurojnë në një formë edhe imazhin. Unë e di që duhet të jem më shpesh nëpër emisione apo studio televizive. Mirëpo, fjalët për një trajner janë të tepërta dhe rezultatet flasin më mirë se gjërat e tjera.
Puna është ajo që flet më së miri. Dhe çelësi i këtij suksesi nuk është llir Daja, çelësi i këtij suksesi është bashkepunimi ku secili bën punën e vetë. Duke filluar nga presidenti, futbollistët dhe ne stafi mbrapa".- tha tekniku i Ballkanit.
Lexo gjithashtu
