Barcelona është gati të braktisë stadiumin mitik "Camp Nou".
Nuk bëhet fjalë për një largim total prej tij, por për të lënë të lirë ambientet e stadiumit që pritet t'i nënshtrohet një rikontruksioni thuajse total.
Idea është hedhur nga presidenti, Joan Laporta që propozon që Barcelona e sezonit të ardhshëm të luajë në fushën stërvitore "Johan Cruyff".
Ky impiant ka një kapacitet prej 6 mijë tifozësh, 5 në tribunat kryesore dhe 1 mijë pas dy portave, teksa do i japë mundësi katalanasve të luajnë edhe sfidat e tyre në Europë, për shkak se i përket Kategorisë së tretë të UEFA-s.
Ndërkaq, ndryshime në stadiumin e "Camp Nou" pritet të ketë edhe në kapacitetin e saj, ku besohet se do pranojë deri në 83 500 tifozë në ndeshjet që do zhvillohen aty. Muajt e ardhshëm do jenë vendimtar në këtë drejtim.
Lexo gjithashtu
