Erling Haaland padiskutim ishte heroi i mbrëmjes së djeshme në sfidën mes Manchester Cityt dhe Leipzig në Champions League. Sulmuesi norvegjes arriti të shënonte 5 herë në fitoren 7-0 të skuadrës së tij në “Etihad”, duke siguruar kështu edhe kualifikimin në çerekfinalen e Champions. Yllit 22-vjeçar iu nevojitën vetëm 57 minuta lojë për të shënuar plot 5 gola, ndërsa lë prapa Messin kur luante me Barcelonën dhe Luiz Adriano me Shakhtar Donetsk. Haaland thyen dhe rekordin e lojtarit që shënoi 30 gola me më pak paraqitje në Champions League, të cilin e mbante Ruud Van Nistelrooy me 34 ndeshje, ndërsa norvegjezi me 33 sfida. Pas kësaj mbrëmjeje spektakolare ka folur vetë ish-lojtari i Borussia Dortmund. Në fakt ka habitur jo pak ndjekësit me deklaratën e tij, ku ka theksuar se nuk mban mend asgjë dhe se është lodhur nga festimet.  “Jam pak i hutuar në kokën time, nuk më kujtohen golat. Mbaj mend vetëm që kam gjuajtur në portë dhe asgjë tjetër. Jam lodhur edhe nga festimet”, do të nënvizonte Haland.

30 - Erling Haaland has scored 30 goals in 25 games in the UEFA Champions League, reaching this milestone in fewer matches than any other player, while he is also the youngest player to reach 30 goals in the competition’s history (22y 236d). Powerhouse. pic.twitter.com/13vKCvQdvY

— OptaJoe (@OptaJoe) March 14, 2023