Loris Karius pritet të huazohet në Turqi te ekipi i Besiktas. Lajmi bëhet i ditur nga mediat britanike, sipas të cilave portieri i “the reds” po kërkohet nga klubi i njohur i Stambollit në formë huazimi për dy vite, me “gardianin” që duket se e gjeti ekipin e tij të ri.
Karius u përfol shumë për një largim nga Anglia pas paraqitjes së dobët me skuadrën e drejtuar nga Jurgen Klopp në finalen e Champions League përballë Real Madrid, me drejtuesit e të kuqve që transferuan brazilianin Allison nga Roma si zëvendësues të tij.
