Roma arriti të siguronte një fitore të rëndësishme ndaj Leçes, teksa triumfuan 2-1 ndaj tyre. Në këtë sfidë Romelu Lukaku ishte protagonist, teksa në një rast humbi penalltinë e fituaer nga Paulo Dybala.
Por gjithsesi belgu shleu gabimin dhe gjeti rrugën e rrjetës në minutën e 94-të të sfidës dhe i dha fitoren 2-1 të tijve. Në fund të sfidës ish-sulmuesi i Interit u emocionua dhe shëprthe në lot, teksa u duartrokit nga të pranishmit.
Jose Mourinho ka folur për këtë situatë, ndërsa ka theksuar se sulmuesi është shumë emocional dhe i përjeton keq situatat e tilla.
“Nuk më vjen keq kur humbin penallti, pasi është normale që dikush që gjuan shpesh penallti edhe t’i humbasë në disa raste. Dybala nuk kishte besim, nuk donte ta gjuante penalltinë për shkak të ligamentit të tij, por Lukaku është një djalë emocional dhe kur gabon e vuan shumë.
Teksa te rasti i golit të fitores nuk mund të bënte më mirë dhe tani ai mund të flejë pak më i qetë, pasi është një djalë me zemër të madhe, shumë i ndjeshëm dhe emocional. Kur humbet penalltinë pas një minute, i qan zemra, i qan shpirti”, deklaroi Mourinho.
30-vjeçari ka qenë fantastik për Romën këtë edicion ku në 12 ndeshje zyrtare mes kampionatit dhe Ligës së Evropës ka realizuar 9 gola.
Lexo gjithashtu
