PSG-ja u mposht në “San Siro” nga Milan, me kuqezinjtë që fituan 2-1 ndaj francezve, takim i vlefshëm për Champions League. Një duel ku skuadra e Luis Enrique arriti të shënonte e para, por më pas u përmbys rezultati dhe largohen kështu me 0 pikë nga Italia.
Pas sfidës Enrique theksoi se kjo ndeshje iu duk si një sfidë tenisi, pasi të dyja ekipet sulmonin pa fundt.
“Më pëlqeu mënyra se si e nisëm sfidën e se si luajtëm deri kur shënuam. Treguam besim dhe mund të kishim bërë diçka më shumë në rastet që patëm sepse më pas u bë një sfidë e çmendur me sulme nga të dyja anët.
Duhej të ishte një ndeshje futbolli, por u bë si të ishte tenis me dy ekipe që sulmonin pa pushim. Mua nuk më pëlqejnë këto lloj paraqitjesh, por më shumë jam i pakënaqur sepse dolëm pa pikë e kjo ndërlikon pak situatën tonë në grup”, ka theksuar ish-timonieri i Barçës.
Lexo gjithashtu
