Herdi Prenga ka dalë në konferencë për shtyp para ndeshjes me Norvegjinë. I grumbulluar për herë të parë me Kombëtaren A, qendërmbrojtësi kuqezi deklaroi:
"Emocione shumë të mëdha për mua. Kam punuar shumë për këtë ftesë nga Kombëtarja A e Shqipërisë. Do të jap maksimumin, ashtu si e kam dhënë për Shpresat para dy vitesh. Dua të jap maksimumin dhe të tregoj veten sa më mirë. Unë do të punoj në stërvitje, trajneri do të vendosë nëse do të luaj ose jo.
Është një gjë e madhe që të jesh pjesë e Kombëtares. Jam shumë krenar që jam pjesë e këtyre çunave që luajnë në kampionate shumë të forta. Të shoh se ku jam unë në krahasim me ata. Nuk është gjë e vogël të luash me Kombëtaren e Shqipërisë dhe po pres shansin. Nuk besoj se do të jetë problem.
Konkurrenca në skuadër është shumë e madhe dhe të gjithë janë lojtar shumë të mirë. Por, edhe unë jam në formë. Megjithatë do të shohim, unë po pres.
Dje kur erdha e kam parë për herë të parë Panuçin. Nuk është se kam folur shumë me të. Të shohim edhe mendimet e atij.
Ky ekip ka shumë futbollistë të rinj dhe ka shumë lojtarë që kanë luajtur para dy vitesh me Shpresat. Mendoj se ka edhe cilësi të mëdha për të kualifikuar në Europianin tjetër.
E zgjodha Shqipërinë se jam shqiptar, ndihem shqiptar dhe nuk do shumë analizë kjo pyetje. E kam zgjedhur vetë për kë do të luaj. Nuk kisha dyshime fare".
Lexo gjithashtu
