Tirana është e ‘zbrazur’ në stafin drejtues teksa si drejtori sportiv, Tefik Osmani, ashtu edhe trajneri Orges Shehi bashkë me stafin e tij, janë larguar nga ekipi. Tashmë presidenti Refik Halili ka nisur punën për të gjetur fillimisht drejtorin e ri sportiv, i cili do të punojë edhe për emërimin e trajnerit të ri. Një çështje që mbetet për t’u parë.
Tifozi i zjarrtë i bardhebluve, Alban Berisha, i ka bërë një ftesë publike ish-lojtarit të Tiranës, Erbim Fagu, duke i shkruar se ai duhet të vijë të drejtojë Tiranën, në këtë moment të vështirë. Përgjigjja e Fagut ishte e shkurtër dhe e qartë: Bëj gati kontratën.
Erbim Fagu ka qenë pjesë e Tiranës si trajner në vitin 2021 ku drejtone ekipin U21, detyra e tij e parë e trajnimit. Më pas ai u largua jashtë vendit ndërsa vijon të jetë pjesë e kurseve UEFA Pro që organizon FSHF për të marrë licensën e nivelit më të lartë të trajningut.
Lexo gjithashtu
