Manchester City arriti të fitonte Superkupën e Europës përballë Sevillas pas “ruletës ruse”. Një fitore mjaft e rëndësishme për kampionët e Premier League, të cilët e nisin kështu sezonin e ri me trofe.
Pas këtij triumfi Pep Guardiola nuk mund të ishte më i lumtur se kaq, pasi në karrierën e tij e fitoi këtë trofe për herë të 4-të. timonieri spanjoll do të theksonte se Sevilla i vendosi në vështirësi, por në fund ka rëndësi trofeu.
“Sevilla ka lojtarë të jashtëzakonshëm, një portier të shkëlqyer, mbrojtës të mirë dhe sulm të rrezikshëm. Në të kaluarën kam pasur frikën se kur skuadra fiton shumë trofe humbet motivimin, por nuk ndodhi kështu. Jemi vërtet të lumtur që tashmë kemi këtë trofe”, theksoi Guardiola.
Poll
Lexo gjithashtu
