Kur Granit Xhaka mbushi 18 vjeç, ai e gjeti veten mes një zgjedhjeje mjaft të vështirë.
I rritur në Zvicër nga dy prindër shqiptarë me origjinë nga Kosova, mesfushori kishte të drejtë të zgjidhte një nga 3 kombëtaret.
Por, ai preferoi atë zvicerane, kombëtaren e shtetit ku u lind dhe u rrit. Xhaka debutoi në 2011 kundër anglisë me fanellën e Zvicrës.
“Jam me të vërtetë krenar”, tha 24 vjeçari i Arsenalit. “Ajo që është më e rëndësishme, është që të gjithë e respektojmë njëri tjetrin. Në Kombëtaren e Zvicrës, ne kemi mjaft lojtarë të kombësive të tjera, mbase lojtarë që nuk i kanë fare rrënjët në Zvicër,. Por ja pse është e rëndësishme të respektojmë njëri tjetin, dhe kur kjo ndodh çdo gjë shkon mirë me ekipin”, tha Xhaka për “ArsenalNeës”, transmeton Newsport.al
Zvicra është shtëpia ime, është vendi ku kam lindur edhe jam rritur, por unë kurrë nuk do t’i harroj rrënjët e prindërv të mi. Unë kam gjak shqiptari dhe asnjë nuk mund të ma mohojë dhe as nuk mund ta largojë nga unë. Zemra ime është e ndarë në dy pjesë. Jam më shumë i njërit sesa i tjetrit. Unë tashmë kam dy shtëpi, Zvicrën dhe Kosovën dhe kjo do të jetë kështu gjithmonë”, shtoi Graniti.
I jam mirënjohës Zvicrës për atë që ka bërë për prindërit e mi dhe për ne. Nuk duhet harruar kjo. Siç e kam thënë unë jam rritur këtu. Kam shkuar në shkollë këtu dhe hapat e parë si në futboll edhe në jetën private unë i kam hedhur këtu. Zvicra do të jetë gjithmonë shtëpia ime“, përfundoi Granit Xhaka./ Newsport.al