Heroi i Teutës në fitoren e artë ndaj Partizanit ishte askush tjetër pos Ergys Peposhit. Tjetër ndeshje dhe tjetër gol nga anësori i cili po merr për dore durrsakët. Kësaj rradhe ishte për kopertinë, një supergol që pa mëdyshjen më të vogël, do të jetë kandidat për golin e vitit në Superiore.
Në përfundim të ndeshjes, autori i 8 golave këtë sezon u shpreh i kënaqur që i dha 3 pikë skuadrës, por qëndron me këmbë në tokë duke menduar për ndeshjen e rradhës.
“Më vjen mirë që goli i m na dha 3 pikë. Duam të vazhdojmë kështu. Që nga janari jemi forcuar shumë. Ndeshjet i marrim një nga një. Ky ishte goli më i bukur i imi. Kam bërë vetëm 2 ditë stërvitje pasi kisha kontraktim të fortë. Më nderoi ai gol dhe shënova. Do rikthehem përsëri në formë të mirë.
Gjysmëfinalja na dhëmb të gjithvë pasi pësuam në fund. Në kampionat do t’i marrim ndeshjet një nga një, matematika në lejon, pse të mos e provojm. Të shmangim Play-Out pastaj mendojmë për lart”, tha Peposhi.
Lexo gjithashtu
