Bruno Daliu, basketbollisti i Tiranës është falur nga Komisioni i Disiplinës së Federatës së Basketbollit. Dy vite më parë, ai goditi me grushta dhe shkelma gjyqtarin e ndeshjes në sfidë që bardheblutë luajtën ndaj Teutës.
Daliu u përjashtua përgjithmonë nga basketbolli pas të dhunës ndaj arbitrit, madje u procedua edhe penalisht nga Policia. Ditën e sotme, basketbollisti bardheblu ka dhënë lajmin se i është hequr dënimi dhe shumë shpejt do të rikthehet në parket.
“Falemiderit Klarend Dedaj në kontributin që dhe në heqjen e dënimit tim nga Federata shqipatare e Basketibollit, së shpejti në fushë”, shkruan Daliu në postimin e tij.