Tirana arriti të fitonte 2-0 në transfertë kundër Egnatias. 3 pikë të rëndësishme për bardheblutë që vijojnë të mbajnë vendin e parë në tabelën e klasifikimit. Pas sfidës foli Orges Shehi. Trajneri i Tiranës u shpreh i kënaqur me atë që skuadra e tij tregoi në fushën e blertë.
Ai kërkon të mbajë të “karikuar” lojtarët e vet për të qenë gati për ndeshjen e radhës që do të zhvillohet të martën e ardhshme. Në prononcimin e zakonshëm për Supersport, Shehi deklaroi:
Fitorja? “Kemi zhvilluar një ndeshje të mirë, pjesa e parë ishte perfekte. E zgjidhëm ndeshjen shumë shpejt dhe Ngoo u zhbllokua. Gjithashtu edhe Ismajlegic shënoi e për mendimin tim është një nga më të mirët në Shqipëri. Jam I kënaqur pasi edhe për Ngoo ishte e rëndësishme që të shënonte gol”.
Përqafimi me Ngoo? “E thashë që jam I lumtur që ai shënoi. Gjatë gjithë javës jemi mundur që të flasim dhe I kam thënë që ti je Ngoo dhe prapa të vjen historia. Po rritet fizikisht nga ndeshja në ndeshje dhe kjo është më e rëndësishme”.
“Lojtarët kanë luajtur të gjithë dhe është e rëndësishme që lojtarët të ndihen të rëndësishëm. Detyra jonë është që çdo lojtar të jetë gati dhe kur të futet të jetë në formë pasi ka ngjeshje kampionati dhe luhet çdo 3 ditë”.
Fitorja e Kukësit me 6 gola dhe nota për Gjumsin? “Kampionati është I gjatë dhe disa skuadra kanë bërë mirë e disa të tjera jo aq mirë. Kemi diferencë me disa ekipe, përveç Kukësit dhe kjo situatë nuk do të jetë kështu. Nuk na shqetëson asnjë skuadër, por ne duhet të jemi ata që ishim pas javës së 3-të. Gjumsi është një lojtar shumë cilësor dhe vjen nga ekipi I të rinjve. E komplimentoj dhe I them që të jetë më këmbë në tokë pasi është pjesë e skuadrës më të mirë në Shqipëri e nuk dua t’i vë notë", u shpreh Shehi.
Lexo gjithashtu
