Coronavirus vazhdon të pushtojë botën, teksa numri i të prekurve sa vjen e rritet. Ndihma e futbollistëve për njerzit në nevojë, nuk ka munguar. I fundit që i është shtuar listës është Marco Reus. Kapiteni i Dortmund ka dhuruar 500,000 euro për mbështetjen e bizneseve të vogla të qytetit, në këtë periudhë.
Menjëherë ka ardhur falenderimi, pasi gjeste të tilla janë të rralla. Javën e kaluar ishte Lewandowski që dhuroi 1 milion euro. Situata është e rëndë në Gjermani, me izolimin tashmë që është kthyer në rutinë.
Rikthimi i Bundesligës mbetet një problem me vete, me hipotezat që janë të shumta. Disa thonë se nuk do luhet më, e disa të tjerë që do shtyhet për në qershor. Gjithsesi, për momentin me rëndësi është shëndeti i njerëzve.
Poll
Lexo gjithashtu
