Mario Mandzukiç duket se do të qëndrojë shumë gjatë në Itali. Agjenti i lojtarit kroat, Ivan Cvjetkoviç është shprehur se mesfushori është i lumtur me bardhezinjtë. Sipas tij, Mandzukiç po përjeton një dashuri me “Zonjën e Vjetër”. Për mediet e huaja, ai ka deklaruar:
“Ai ka luajtur në krahun e djathë, pastaj anësori i krahut, sepse ai ka teknikë dhe trajneri e ka dërguar në sulm. Kur Mario erdhi në Torino, ai ka qenë shumë krenar për këtë fanellë, por e ka menduar edhe si një hap më shumë në karrierën e tij. Përgjatë këtyre tre viteve, ai ka rënë në dashuri me Juven, dhe me tifozët. Ndoshta vetëm në Bayern ka qenë i pëlqyer, por këtë në Juventus është diçka më shumë.
Marrëdhënia e tij me Allegrin është shumë e mirë. Nëse Kroacia e ka arritur finalen e Botërorit, është pjesërisht falë Allegrit. Para largimit të Mandzukicit për në Botëror, Allegri e telefonoi dhe i tha: ‘Mos i dëgjo se çfarë flasin, klubi më ka kontaktuar mua për ty, dhe ju kam thënë që ti je i rëndësishëm për skuadrën time’. Kjo i ka dhënë atij besimin dhe motivimin për të vazhduar pastaj në Kampionatin Botëror në Rusi”, ka përfunduar menaxheri i futbollistit të “Zonjës së Vjetër”.
Loading ...
