Teuta po vazhdon përgatitjet në prag të sezonit të ri. Durrsakët dështuan kampionatin e fundit, duke mos arritur të jenë pjesë e Europës. Tashmë edicioni i ardhshëm pritet të fillojë me objektiva të rinj, teksa shumë prej lojtarëve janë larguar dhe momentalisht Uheid Hoxha është i vetmi i afruar.
Rubin Hebaj është një prej elementeve të ruajtura nga sezoni i fundit. 23- vjeçari u afrua në merkaton e janarit dhe bëri mjaft mirë, pasi në 24 ndeshjet e kampionatit dhe Kupës së Shqipërisë shënoi 13 gola dhe dha 5 asistë.
Së fundmi shkodrani ka postuar në rrjetet sociale. Në foton e “instastory”, ai tregon qiellin si limitin. Deri tani Hebaj shihet si mjaft i rëndësishëm te Teuta për vazhdimësinë.
Loading ...
