Një javë më parë, Eros Grezda u zëvendësua në minutën e 13-të
Pas atij takimi, trajneri dhe drejtori sportiv i ekipit nxituan të dilnin në deklarata, ku bënin fjalë për një zëvendësim taktik, apo se shqiptari do të pësonte një sërë masash ndëshkimore për veprimin nervoz, pasi ai ka hedhur fanellën në momentin e daljes nga fusha.
Mirëpo këtë javë, mesfushori i Kombëtares është shfaqur në nivelin e tij më të mirë. Grezda, në barazimin e Lokomotivës së Zagrebit 0-0 ndaj Hajdukut të Splitit, është shpallur lojtari më i mirë i takimit.
Mesfushori kuqezi ka arritur të krijojë një sërë rastesh për shënim në këtë ndeshje, edhe pse ka qenë i pafat për të gjetur rrugën e rrjetës
Grezda pritet që të ketë ftesë sërish në Kombëtaren A, për ndeshjet e vlefshme kundër Italisë dhe ndaj Bosnjë-Hercegovinës. Mesfushori anësor është një nga alternativat e vlefshme për De Biazin.
Lexo gjithashtu
