Nëse dilje para pak vitesh për shëtitje ose vrap nga Parku Rinia në Korçë, e kishe të pamundur të mos hasje një djalë që stërvitej rregullisht dy herë në ditë. Vraponte dhe vetëm vraponte, fitonte rezistencë dhe eksperiencë. Sot, Ilir Këllezi ka disa kushte më shumë në kompleksin sportiv në Korçë, duke mos e ndalur passionin e tij për vrapin.
30 vjeçari vijon të fitojë medalje dhe trofe në Shqipëri dhe jashtë saj, teksa për 17 vite ushtron sportin e atletikës në dispilina të ndryshme. Me stërvitje dy herë në ditë, Këllezi ia ka dalë që të koleksionojë dhjetra medalje, teksa është 14 herë rresht kampion i Shqipërisë në maratonën prej 10 kilometrash.
Korçari garon në disa disiplina dhe nëse e pyet për të preferuarën do të thotë se pëlqen atë të gjysmë-maratonës, ku së fundmi doli I treti në Shkup, duke u renditur pas 2 sportistëve nga Kenia. Këllezi mban 5 herë titullin kampion në maratonën e 5 kilometrave, duke ngritur lartë flamurin kuqezi në çdo shtet ku ka garuar.
Në të gjitha displinat, maratonë, gjysmë-maratonë, 5 ose 10 kilometra, Këllezi e njeh shijen e fitores teksa është I pamposhtur në Shqipëri. Koha më e mirë për sportistin korçar është 1 orë e 10 minuta në maratonën e Shkupit që ishte e gjatë 10 kilometra, duke I lënë pas të gjithë edhe pse në garë merrnin pjesë mbi 3500 sportistë. Ashtu i qetë, siç vetëm ai di, Iliri vijon të ngejë lart trofe dhe medalje të tjera duke kërkuar më shumë vëmendje nga institucionet përkatëse.
Lexo gjithashtu
