Alush Gavazaj është konfirmuar prej javësh si një nga pikat më të forta të Korabit. Edhe pse skuadra dibrane është "me një këmbë" drejt Kategorisë së Parë, mesfushori i talentuar nuk ka hequr dorë në asnjë moment duke besuar te rezultatet pozitive duke dhënë maksimumin dhe duke u vlerësuar si një titullar i padiskutuar.
Në fundjavë, për Alush Gavazajn, sfida kundër Tiranës kishte një emocion më të lartë në aspektin personal, sepse përballej me të shkuarën. Mesfushori 20-vjeçar ka qenë pjesë e bardhebluve, ndërsa Korabi mori një pikë ndaj 24 herë kampionëve të vendit duke barazuar 1-1.
Karakterin e tij si një futbollist që 'lufton' deri në minutën e fundit, Gavazaj e ka treguar edhe përmes një postimi në Facebook teksa shkruan: "Kush heq dorë nuk fiton kurrë!", si për të treguar se Korabi dhe ai vetë nuk kanë hequr dorë nga 'lufta' për mbijetesë.
Lexo gjithashtu
