Mbrëmë, e gjithë bota “mbajti frymën” për 90 minuta teksa në stadiumin “Olimpico” u luajt supersfida Roma – Barcelona që përfundoi me shifrat 3-0.
Për këtë disfatë të katalanasve ka reaguar gazetari i njohur sportiv, Elert Yzeiri, i cili ironizon duke e krahasuar humbjen e Barçës me situatën aktuale në vendin tonë, ku bizneset e vogla kanë protestuar për taksat e vendosura nga qeveria.
“Barcelona i bashkohet protestës së biznesit të vogël për TVSH-në: Për 90 minuta uli qepenat me Romën. Messi u pa i vetmuar te tregu çam”, shkruan ai në facebook-un e tij.
Kujtojmë që pas humbjes së mbrëmshme, Barcelona u eleminua nga kompeticioni i Champions League, ndërsa skuadra italiane e Romës u kualifikuar për në gjysmëfinale.