Feyenoord nuk arriti të fitonte trofeun e Conference League teksa u mposht 1-0 nga Roma në stadiumin “Air Albania”. Shumë hollandezë ishin të pranishëm brenda në impiantin kryeqytetas, ndërsa të tjerë zgjodhën ta ndoqnin përmes “Fan Zone” në Pedonale.
Pas fërshëllimes përfundimtare të gjyqtarit të takimit, shihet zhgënjimi në fytyrat e tyre. Me duart në kokë dhe të ulur në bar, ata s’u besojnë syve se skuadra e tyre u mposht nga italianët. E para në histori si finale, trofeu i kampionit në fund iu dha Romës.