Në La Liga, në orën 21:00 do të luhet supersfida midis Atletiko Madrid dhe Barcelonës. Ecuria e mirë e të dyja ekipeve në dekadën e fundit, ka bërë që rivaliteti i tyre të jetë i madh dhe ndeshjet të prodhojnë spektakël.
Sfida e sotme në "Wanda Metropolitano", do të jetë tepër e veçantë për shkak se tifozët vendas do të kenë si rival, ish idhullin e tyre Antonie Griezman. Ky i fundit u transferua tek Barcelona në merkaton e verës që lam pas.
Teksa Barcelona ndodhet në vendin e 3 me 28 pikë, Atletiko do të kërkoj t'i marrë tre pikët, për ta barazuar në renditje, pasi momentalisht ndodhen në vendin e 6 me 25 pikë.
Katalanasit e nisin nga minuta e parë me treshen Messi, Suarez, Griezman. Ndërsa nga ana tjetër trajneri Simeone ka zgjedhur t'i besoj sulmit me talentin Joao Felix dhe Alvaro Morata.
Formacionet:
Atletiko Madrid: Oblak, Trippier, Felipe, Hermoso, Saul, Correa, Herrera, Thomas, Koke, Joao Felix, Morata
Barcelona: Ter Stegen, Roberto, Pique, Lenglet, Firpo, Arthur, De Jong, Rakitic, Messi, Suarez, Griezmann
Lexo gjithashtu
