Flamurtari ndryshon “stadiumin” ku do të luajë gjatë sezonit të ri

Klubi i Flamurtarit duket se nuk do të hasë qetësi në funksionimin e tij as gjatë këtij sezoni. Problemi qëndron te gjyqet e hapura që klubi ka me shumë ish-futbollistë të cilët pretendojnë moskorrektësi financiare nga ana e drejtuesve vlonjatë.

Plot 10 padi kundër Flamurtarit janë ngritur në FIFA dhe në FSHF që nga muaji janar i këtij viti e më pas. Shumica e padive janë bërë nga futbollistë të huaj, emrat e të cilëve nuk bëhen të ditur.

FSHF deri tani nuk e ka liçensuar Flamurtarin për sezonin tjetër pikërisht për shkak të borxheve të pashlyera. Mesa duket Flamurtari këtë sezon nuk do t’i luajë ndeshjet në stadiumin “Flamurtari”, por në sallat e gjyqeve.