Ferrari nuk do ta ketë aspak të lehtë në garën e Arabisë Saudite. Skuadra e famshme e Formula 1, nuk do të ketë në dispozicion pilotin, Carlos Sainz. Ky i fundit ka probleme shëndetësore dhe do t’i duhet të kryejë një ndërhyrje kirurgjikale për të hequr apandecitin.
Është vetë skuadra e Ferrarit që ka dhënë lajmin për mungesën e Sainz. Teksa është mësuar edhe piloti që do ta zëvendësojë këtë të fundit. Ai do të jetë Oliver Bearman, i cili militon në Formula 2, por nuk do të marrë pjesë aty.
Bearman është i dalë pikërisht nga akademia e Ferrarit dhe do të jetë hera e parë e tij që do të garojë në Formula 1.
[caption id="attachment_727565" align="alignnone" width="643"] Oliver Bearman[/caption]