Brazili është një ndër pretendentët kryesorë për të fituar Kupën e Botës. Paraqitjet e tyre në këtë botërorë kanë qenë tepër mbreslënëse, ku kanë regjistruar 3 fitore dhe një humbje.
Ronaldo “fenomeni” është një nga tifozët special të Brazilit në këtë botëror që ka ndjekur të gjitha ndeshjet live, pasi është dhe një nga ambasadorët e Katar2022.
Legjenda e futbollit brazilian ka përçuar një mesazh tepër të ndjerë për sulmuesin e dëmtuar Gabriel Jesus. Ky i fundit do të largohet nga grumbullimi me Brazilin pas një dëmtimi të rëndë në këmbë, gjatë ndeshjes me Kamerunin.
Postimi i Ronaldo “Fenomenit”:
“Kritika ose mund të jetë konstruktive ose shkatërruese në jetën e dikujt. Fjalët kanë fuqinë të ngrenë dhe të rrëzojnë, ndonjëherë të njëjtat që nxisin njërin dekurajojnë tjetrin. Prandaj, është e rëndësishme të kemi kujdes se çfarë themi, por mbi të gjitha çfarë dëgjojmë. Sepse ne nuk mund të kontrollojmë atë që do të thonë të tjerët dhe jetojmë në kohë të errëta të normalizimit të fjalës së urrejtjes por ne mund të filtrojmë atë që na vjen në vesh.
Lëreni vetë-imazhin tuaj, Gabriel Jesus, të mos bazohet në atë që thonë të tjerët. Mos harro kurrë nga ke ardhur sepse ai djalë që kishte ëndrrën për të qenë lojtar nuk mori një rrugë të lehtë, plot mundësi dhe privilegje. Ai djalë bëri të pamundurën, të “pa arritshmen”, të jashtzakonshmen. Ai u largua nga Kopshti Peri për të pushtuar botën. Ai fitoi disa tituj, ishte golashënues, kampion i Copa America vendimtar në arritjen e parë të epokës Tite, kampion olimpik dhe themelor në të artën e pa arritur të Brazilit, e gjithë kjo në moshë shumë të re. Ai është braziliani me mesataren më të lartë të golave në historinë e Premier League.
Ndërsa shumë insistojnë të krahasojnë trajektoret për të skualifikuar një atlet, unë jam këtu sot për t’ju kujtuar se historia juaj është unike. Erdhe në Kombëtare me shumë meritë dhe shpresoj që të shkëlqesh akoma me futbollin tënd. Uroj që të kapërcesh atë që duhet tejkaluar, të përballosh atë që duhet përballuar, të vazhdosh të besosh në ëndrrat e tua sepse janë ata që të sollën këtu.
Shërim të shpejtë, AS.”
Loading ...
