Agjenti me origjinë shqiptare Fali Ramadani është një nga agjentët më të fuqishëm në botën e futbollit dhe prej kohësh është në hetim nga GJykata Kombëtare në Spanjë, për pjesëmarrje në një skemë të dyshuar në pastrimin e parave në Mallorca.
Së fundmi mediat në Spanjë bëjnë me dije se në banesat e Ramadanit janë kryer disa kontrolle nga policia vendase dhe nga grupi i Krimit të Organizuar . Agjenti Ramadani akuzohet për pastrim parash, transferta “fantazmë” të cilat i kanë sjellë përfitime të mëdha saqë vetëm në Calvia, Mallorca ka blerë pasuri, shtëpi dhe jahte në vlerën e 10 milion eurove.
Hetuesit pretendojnë se Ramadani është pjesë e një rrjeti kriminal që menaxhon klubet e futbollit në vende si Belgjika, Qipro dhe Serbia. Agjenti do të dali në Gjykatën Kombëtare në Madrid pas disa ditësh.