Peshëngritësja dhe kampionia e Europës me flamurin shqiptar, Evangjelia Veli doli me substanca të palejuara në kontrollet anti-doping. Tanimë kampionia shqiptare pret përgjigjet e testit të dytë, ndërsa në rast se rezulton pozitive do i hiqen medaljet dhe do ketë pasoja në karrierë.
Për këtë rast, kreu i KOKSH, Fidel Ylli ka folur në “Sport Zone” duke thënë se duhen testime para se sportistët të dalin me doping në agjencitë ndërkombëtare. Për Yllin, nëse një sportist është përsëritës me doping, duhet të përjashtohet menjëherë nga përfaqësimi i vendit.
“Këto janë përgjegjësi individuale të çdo sportisti. Duhet një riorganizim, që të kemi një agjenci të pavarur, për t’i kapur sportistët pa shkuar në kampionatet jashtë. Kam kërkuar që për peshëngritësit të bëhen kontrolle, pa shkuar në aktivitetet ndërkombëtare.
Për Evangjeli Veli, deri tani nuk na ka informuar njeri. Unë mendoj se në rast se sportistët kapen për herë të dytë me doping, duhet të përjashtohet menjëherë”, tha Ylli.
Lexo gjithashtu
