Romela Begaj është një nga peshëngritëset më të sukseshme shqiptare. Vitin e kaluar ajo u dënua për herë dytë nga Federata Botërore e peshëngritjes me 8 vite për shkak të substancës ‘Stanozolo’. Aktualisht Romela jeton në Kanada e në një lidhje me “Fan Zone” ajo akuzon shtetin shqiptar që e ka lënë në rrugë në momentet më të vështira.
“Është fatkeqësi që kam lindur në një shtet të vogël dhe pa mbrojtje. Jam krenare që jam shqiptare, por ato dieta ushqimore që jepnin është një skandal i vërtetë. Nuk kisha asnjë përkrahje e pse janë shumë medalje që kam sjell në Shqipëri. Puna e dënimit është një çështje e thellë pasi mirë herën e parë, po e dyta? Jam betuar në kuran dhe për flamur që jam e pastër e do të vazhdoj ta them gjithmonë".
Ndihma nga shteti? "Më kanë thënë shumë herë që do të më ndihmojnë, por asgjë nuk ka qenë e vërtetë. Tani në Kanada është një jetë ndryshe,e për të ardhur këtu kam fituar një burse si trajnere”.
Dënimi? “Unë të them të drejtën do të vazhdoj edhe pse kam harxhuar rreth 70 mijë euro nga kursimet e mia, ndryshe nga politikanët tanë që kanë vila e shumë pasuri. Nuk do ta mbyll karrierën dhe do të vazhdoj dhe do të ngre sërish flamurin edhe pse shteti im më la në rrugë dhe nuk më ndihmoj”.
Lexo gjithashtu
