Java e 7 e Abissnet Superiore vendos përballë Erzenin dhe Egnatian ditën e nesërme në Niko Dovana në orën 15:00. Shijakasit kërkojnë të ngrejnë moralin e ekipi pas humbjes së thellë me Bylisin ndërsa Egnatia synon fitoren për të barazuar me pikë pikërisht Erzenin.
Kjo sfidë ka ngjyra të veçanta teksa disa lojtarë kanë luajtur për të dyja ekipet. Nga Erzeni janë plot 4 futbollistë që kanë veshur fanellën e rrogozhinasve. Krasniqi ishte kapiten i Egnatias vitin e fundit dhe Ademi, Hasanbelli dhe Sadiki ishin poashtu në ekipin e vjetshëm.
Nga rradhët e Egnatias është mbrojtësi i afruar këtë verë, Jurgen Goxhaj, i cili nuk ka luajtur akoma minutat e para me rrogozhinasit. Goxhaj ka kaluar një pjesë të rëndësishme të karrierës me Erzenin në Kategorinë e Parë. Një rikthim mund të quhet edhe për trajnerin e Egnatias, Edlir Tetova, i cili kthehet në stadiumin Niko Dovana, aty ku luajti për shumë vite më Teutën.
Lexo gjithashtu
