Ish presidenti i Interit Massimo Moratti, një ditë pas derbit, Milan-Inter ka folur për sfidën e që ndoqi nga stoli i tifozit. Moratti ka deklaruar se ndeshja nuk ishte realisht ajo që pritej, por goli në minutën e 92', ishte një dhuratë për të nga ana e Perisiç. Ai ka deklaruar se ishte një derbi i vërtetë, por rezultati nuk ishte ai që mendohej, pasi Interit më shumë sesa Milanit nuk i duhej ky barazim, për faktin se renditja në tabela ja vështirëson punën në ndeshjet e ardhshme. Deklarata e tij, se pse të ardhmen e Interit e shikon si të errët është për faktin se rezultat e fundit kanë acaruar tifozë, që jo në pak raste dhe i janë "kundërvënë" lojtarëve në fushë, me fishkëllima apo banderola. Lidhur me këtë, ai ka deklaruar se, "në momentin që ke tifozin kundër, diçka nuk shkon", duke e lidhur dhe me problemin e pak kohëve më parë, ku qendra e debatit u bë Mauro Icardi, i cili u detyruar të tërheqë dhe biografinë e tij, për ta "pastruar" nga disa fyerje që ju bëhej në mënyrë të drejtpërdrejtë tifozëve të Interit.
Lexo gjithashtu
