Finalja e Europianit 2020 do të mbahet mend gjatë për shkak të një episodi që e shkaktoi mbrojtësi i Italisë, Giorgio Chiellini. Veterani i axurrëve ndaloi një aksion goli me dinakëri, duke tërhequr të riun Saka nga fanella e duke e ndalur në vend.
Ky episod shkaktoi shumë polemika sidomos nga tifozët e Anglisë, por Chiellini thekson se ka bërë gjithçka që Italia ta fitojë atë finale.
Mbrojtësi është rikthyer të flasë për atë episod duke theksuar se mendimi i tij i vetëm në atë moment ishte të tërhiqte me sa mundësi kishte fanellën e Saka.
“Në atë moment ndoshta kam bërë gabimin tim të vetëm përgjatë Europianit. Mendova se mund ta ruaja topin të dilte në rivënie anësore, por Saka më fitoi kohën dhe kaloi para meje. Mendimi im i vetëm ishte të tërhiqja fanellën e Saka dhe në fakt ia dola, e tërhoqa mirë atë”, u shpreh Cheillini.
Lexo gjithashtu
