Ndonëse është mjaft e njohur për publikun Eneda Tarifa ka arritur të mbajë larg vëmendjes së fansave dhe mediave rozë jetën e saj private. Pas mbylljes së marrëdhënies së saj 18 vjeçare me Erjon Zaloshnjën, këngëtarja ishte përkushtuar komplet vogëlushes së saj, Arias dhe gjithë këto vite nuk ka patur asnjë lajm mbi jetën e saj sentimentale.
Mirëpo, nga fotot dhe videot e publikuara së fundmi në rrjet shohim se Eneda nuk është beqare dhe ai që i ka vjedhur zemrën këngëtares është pikërisht basketbollisti, Gen Lasku.
Duke mos u fshehur më Eneda ka vendosur që të shfaqet krah partnerit të saj dhe duket më e dashuruar se kurrë më parë. Në videot e publikuar ata shihen në një event ku nuk mungojnë as përqafimet dhe puthjet mes njëri-tjetrit.
Genti Lasku është basketbollist profesionist i cili luan për klubin e Tiranës në Superligën Shqiptare të Basketbollit si dhe Kombëtaren e Shqipërisë.
Lexo gjithashtu
