Për vite me radhë ai vuante nga problemet në zemër. Ish-futbollisti i njohur Nwankwo Kanu rrëfen se sot jo vetëm që është kthyer në jetë, por ka arritur që brenda 18 vitesh të shpëtojë jetët e 542 vetave nga sëmundjet dhe problemet e zemrës.
Në një intervistë për “The Guardian” ikona e futbollit afrian deklaroi se e gjithë iniciativa e tij (fondacioni “Eniton”) nisi kur në vitin 2000 një nënë erdhi me fëmijën e saj të sëmurë nga zemra dhe ulërinte për ndihme.
“Ata vuajnë shumë, ndodhen në një situatë të keqe. dhe ti pyet veten: ‘Nëse askush nuk i ndihmon dhe ata vdesin…’. Por sot të gjithë fëmijët kanë kryer operacione. I kam vizituar dhe janë të lumtur, luajnë dhe argëtohen gjatë gjithë kohës. Dhe kur shikoni nënat e tyre të lumtura ju thoni: ‘Kjo është diçka për të cilën duhet të punojmë më tepër’. Kemi shpëtuar 542 jetë. Por ne vazhdojmë të punojmë. Këtë javë kemi dërguar 4 pacientë në Sudan dhe kemi mësuar se operacionet janë kryer me sukses dhe 6 të tjerë do të kurohen”, deklaron 42-vjeçari.
Kanu ka luajtur 3 kampionate botërore me Nigerinë dhe ka fituar kampionate dhe Champions League me Ajaxin në 1995 dhe dy tituj Premier League me Arsenalin.
Loading ...
