Sonte, Shqipëria do të luajë në transfertë kundër Çekisë, ndeshje e vlefshme për kualifikueset e EURO 2024. Një përballje mjaft e rëndësishme për kuqezinjtë tanë që do të tentojnë të marrin maksimumin. Këtë ndeshje, pritet ta nisë nga minuta e parë edhe Elseid Hysaj. Mbrojtësi shkodran ka marrë vëmendjen e medieve çeke, të cilat përshkruajnë karrierën interesante të tij, por edhe pasionin që ka për makinat e shtrenjta.
Ata kanë treguar historinë e jetës së tij, duke treguar se si babai emigroi në Itali për të punuar si emigrant dhe në fund realizoi ëndrrën duke e bërë të birin futbollist profesionist.
Hysaj cilësohet si një mbrojtës i ashpër që debutoi në moshën 17-vjeçare. Vetëm 21 vjeç u mor nga Napoli, vend në të cilin njohu edhe misin shqiptar, Fiorenza Lekstaza. Hysaj është i apasionuar pas makinave të shtrenjta, ndërsa për mediet çeke mbetet mister se pse zgjodhi Lazion, në një kohë kur kërkohej nga klube të tjera si Chelsea, Arsenal dhe Manchester United.
Lexo gjithashtu
