Lacio po kalon një moment të mirë në kampionat. Skuadra kryeqytetase ka arritur të fitoi në 6 ndeshjet e fundit në kampionat duke shkuar në kuotën e 30 pikëve në vend të 3-të në Serie A. Sfida e radhës do të jetë të shtunën ndaj Juventusit në shtëpi. Një ndeshje e rëndësishme për ecurinë e skuadrës së drejtuar nga Simone Inzagi. Ditën e djeshme disa prej titullarëve kanë qenë të pranishëm në një darkë të organizuar nga Lazio Club Quirinale për ecurinë pozitive të ekipit. I pranishëm ka qenë edhe portieri shqiptar, Tomas Strakosha I cili ka folur për kanalin zyrtar të klubit.
Tifozët?
"Ne kemi nevojë për mbështetjen e tyre dhe kjo na jep energjinë për të ecur përpara, tifozët na mbështesin në stadium por edhe kur i takojmë në jetën e përditshme; mbrëmjet si kjo nuk bëjnë asgjë tjetër përveç kënaqësisë, shpresojmë t'i japim gjithnjë e më shumë, brenda dhe jashtë fushës ".
Pak pritjet kohët e fundit?
"Më mirë, sepse kjo do të thotë që ne nuk u japim asgjë kundërshtarëve dhe shkojmë në shtëpi më të qetë, padyshim kur në vend të kësaj skuadra tjetër arrin të jetë e rrezikshme unë gjithmonë duhet të jem i gatshëm në mënyrë që të arrij numrin më të madh të mundshëm të pritjeve të pastra".
Lazio-Juventus?
"Një sfidë shumë e rëndësishme për ecurinë tonë na pret të Shtunën, ne e dimë se çdo pikë është e çmuar, por nuk kemi frikë nga askush. Ne e respektojmë Juventusin, është një ekip i shkëlqyeshëm, ata do të duan të ringrihen por ne po mendojmë të vazhdojmë rrugëtimin tonë dhe të japim më të mirën. "
Mbrëmje të tilla?
"Mbrëmje si kjo janë me të vërtetë të bukura, duke i dhënë një buzëqeshje një fëmije nuk është e krahasueshme me asgjë në botë dhe gjithashtu na lejon të kujtojmë se sa të emocionuar ishim kur takonim një futbollist: është diçka jashtë botës. Të jesh me ta më mbush zemrën ".
Lexo gjithashtu
