Një ngjarje e rëndë ka ndodhur në Greqi, ku është ekzekutuar një boksier, pak para mesnatës.
Mediat greke raportojnë se ngjarja e rëndë ka ndodhur në Metamorfosi. Një person i maskuar që ndodhej në motor i është afruar 53-vjeçarit, i cili sapo kishte dalë nga një dyqan, dhe e ka qëlluar me breshëri plumbash duke e lënë të vdekur në vend.
Sipas informacioneve, viktima ishte një boksier veteran i AEK-ut. Ai mori tre plumba në gjoks dhe lart në qafë, që i shkaktuan edhe vdekjen.
Dyshohet se autorët kanë qenë vrasës me pagesë. Sakaq, në videon e mëposhtme të publikuar nga “Protothema” shihet trupi i pajetë në vendin e ngjarjes.
Policia po punon për zbardhjen e plotë të ngjarjes dhe identifikimin e autorëve.
Loading ...
