Brazili luan për herë të parë ndaj SHBA-së pas eliminimit nga Kupa e Botës në Rusi. Sfida e parë e post-Botëror e gjen Brazilin me ndryshime drejtimi në skuadër. Tekniku i "Seleçao"-s Tite i ka dhënë besimin e plotë yllit të ekipit Neymar Jr. për të marrë shiritin e kapitenit. Lajmin tekniku i "kanarinave" e ka dhënë në faqen zyrtare të FFB në "Twitter".
"E pranova sërish detyrën sepse kam mësuar shumë dhe do të mësoj akoma më tepër. Dhe këtë përgjegjësi do të jetë një gjë e mirë për mua. Përgjegjësia ime është edhe më e madhe për shkak të rolit të kapitenit, por nëse nuk luan futboll të mirë, nuk ke nevojë për të", deklaroi ylli i PSG-së.
Neymar u konsiderua një nga zhgënjimet e Botërorit të fundit, pasi regjistroi rekorde qesharake teksa në ccdo kontakt me kundërshtarët hidhej në tapet. Ai ishte i pafuqishëm të shpëtonte Brazilin nga eliminimi në ccerekfinale ndaj Belgjikës.
Lexo gjithashtu
