E papritur ajo që ka ndodhur në Ligën Unike me skuadrën e basketbollit të meshkujve të Tiranës. Edicioni i 3-të i kësaj lige rrezikon seriozisht të dështojë, ose të vazhdojë me numër të redukstuar ekipesh.
Ditën e sotme do të niste zyrtarisht Liga Unike për sezonin 2022-2023, ku dy ndeshjet e para ishin përballjet Kamza-Peja ora 18:00 dhe Tirana-Ylli ora 19:00, por klubi i Tiranës ka vendosur të tërhiqet nga gara. Ndonëse deri më tani nuk ka asnjë njoftim zyrtar nga klubi bardheblu, kryeqytetasit nuk do të udhëtojnë drejt Therandës, ndërsa edhe vetë Golden Eagle Ylli ka konfirmuar se ndeshja nuk do të zhvillohet me anë të një njoftimi në rrjetet sociale.
Burime pranë Tiranës konfirmojnë se bardheblutë kanë vendosur që të tërhiqen nga Liga Unike. Mendohet që në këtë vendim ekstrem të ketë ndikuar ndeshja e fundit në kampionat, në të cilën Tirana u mund nga Besëlidhja, në një takim të kontestuar fort nga bardheblutë për arbitrimin. Një shenjë e fortë proteste ndaj Federatës Shqiptare të Basketbollit, me kryeqytetasit që heqin kështu dorë nga Liga Unike.
Lexo gjithashtu
