Interi ia doli të fitojë derbin e Italisë ndaj Juventusit, teksa një autogol vendosi edhe për ekipin fitues. Gatti ishte protagonisti i këtij dueli, i cili me autogolin e tij vendosi edhe fatet e sfidës.
Një humbje për djemtë e Missimiliano Allegrit, të cilët shikojnë zikaltërit t’iu largohen në krye të klasifikimit. Tashmë dy ekipet kanë 4 pikë diferencë mes tyre, me Interin që ka një ndeshje më shumë për të luajtur.
Pas kësaj disfate, Allegri do të pranonte se zikaltërit ishin favorite dhe të tillë mbeten, ndërsa nga ana tjetër thekson se nuk duhet të anashkalojnë Milanin.
“Nuk e di nëse është ndeshja e titullit, ne duhet të bëjmë rrugëtimin tonë. E dinim që Interi është i fortë, pjesa e parë ishte e bllokuar, ata gjetëm golin, ndërsa ne patëm një mundësi të ngjashme në fushë të hapur me Vllahovicin. Në të dytën ndeshja u hap, ishte më argëtuese për t’u parë. Gjithmonë ka një mbrëmje të keqe gjatë sezonit.
Askush në qershor nuk do ta kishte imagjinuar se do të ishim në këtë pozicion në renditje. Pastaj për lojën e gazetarëve është normale të thuash Inter kundër Juventusit, por janë rrugë të ndryshme. Jemi të zemëruar sepse humbëm një ndeshje që mund të na ngrinte në këmbë. Interi është favorit për Scudetton, nuk kërkon shumë kohë për ta zbuluar dhe do të mbetet i tillë. Milani është 4 pikë prapa, kampionati është ende i gjatë dhe mund të ndodhin ngjarje të paparashikuara”, ka theksuar Allegri.
Lexo gjithashtu
