Një konflikt i gjatë mes lojtarëve të Kombëtares Daneze dhe federatës së futbollit të vendit skandinav mbi të drejtat e imazhit të futbollistëve, ka përfunduar si mos më keq, me palët që tashmë ndodhen në udhëkryq.
Kjo duket se do detyrojë qeverinë e futbollit danez të krijojë një ekip amatorë për dy ndeshjet e ardhshme të skuadrës ndaj Sllovakisë në miqësore dhe më pas ndaj Uellsit për Ligën e Kombeve. Negociatat e fundit mes Shoqatës së lojtarëve dhe Federatës nuk kanë përfunduar me sukses, dhe tashmë si alternativë shihen pjesëtarët e ekipit të futbollit të sallës, i njohur ndryshe si futsal.
Nëse një gjë e till ndodh me të vërtetë, do të ishte një rast i paprecedentë, me yjet danezë si Eriksen, Kjaer apo portieri Shmajkëll, që do zëvendësoheshin me personazhe totalisht anonim.
Loading ...
