Katar 2022
Interi nuk po kalon aspak një peridhë të mirë në këto momente në kampionat, por edhe në Kupë, ku është eleminuar nga Lazio. Megjithatë, Atletico Madrid është në kërkim të Mauro Icardit. Sikurse raporton “as” kampionët e Europa League duan shërbimet e argjentinasit dhe në merkaton e verës mund të kemi një derbi madrilen së bashku me Realin, sepse edhe kampionët e Europës prej kohësh interesohen për shërbimet e kapitenit zikaltër.
Kujtojmë që deri më tani Icardi ende nuk e ka rinovuar kontratën e tij me Interin, pasi palët nuk janë duke negociuar, sepse në mes diskutohet paga e lojtarit, që për drejtuesit e klubit deri në 10 milionë euro në sezon mund të jenë shumë. Megjithatë, të presim deri në verë nëse do të kemi diçka konkrete në lidhje me këtë çështje.
