Romelu Lukaku është mes Interit dhe Chelsea. Në lidhje me këtë situatë ka folur drejtori i përgjithshëm i zzzikaltërve, Beppe Marotta. Ky i fundit ka theksuar se janë të gatshëm të nisin bisedimet me Blutë e Londrës për një marrëveshje të re.
Sulmuesi belg është i huazuar te Interi për këtë sezon dhe në fund të qershorit, teksa ditën e shtunë do të luajë finalen Champions League, ku do të kërkojë të jetë protagonist ndaj Cityt.
“Kontrata e Dzekos po përfundon dhe Lukaku është vetëm në huazim, ai nuk është lojtari ynë. Ne jemi të lumtur të fillojmë negociatat e reja me Chelsean, por kjo është një gjë e vështirë për t’u parashikuar tani, pasi ne do të ulemi me hierarkinë e klubit dhe do të planifikojmë sezonin e ardhshëm. Ata janë të dy profesionistë të mëdhenj dhe lojtarë të shkëlqyer”, përfundoi drejtuesi i Interit.
Lexo gjithashtu
