Igli Tare ka treguar për mediet se Vedat Muriqi nuk do jetë pjesë e CSKA së Moskës. Drejtori i Lazios duket se nuk e sheh shqiptarin larg skuadrës. Për Taren, vendimet te Lazios merren në staf, duke lënë të kuptohet se trajneri Sarri nuk ka kërkuar largimin e sulmuesit. Pas Muriqit janë disa skuadra, mes të cilave edhe CSKA e Moskës.
“Muriqi? Nuk është e vërtetë që është afër CSKA së Moskës. Këto gjëra janë të këqija për ju gazetarët dhe ata që mbështesin Lazion. Ne nuk tallemi me njerëzit dhe e dimë se çfarë duhet të bëjmë, bëjmë zgjedhje të përbashkëta me trajnerin. Nuk është korrekte që të bëhet keqinformim.
Merkato? Kjo është një pyetje që më pëlqen. Ne kemi probleme me indeksin ekonomik që duhet të zgjidhen. Kur ta zgjidhim problemin, nëse do të ketë situata që mund të ndihmojnë ekipin dhe Sarrin, do bëjmë atë që mundemi”, tha Igli Tare.
Loading ...
