Pas përgjimeve audio të Pique me kreun e Federatës Spanjolle të Futbollit, Luis Rubiales për spostimin e Superkupës së Spanjës, mediet Iberike kanë nxjerrë të tjera audio.
Në to dëgjohet mbrojtësi i Barcelonës që kërkon shtyrjen e ndeshjes së Spanjës kundër Rumanisë në 2019, sepse në të njëjtën ditë luhej Davies Cup dhe ish-bashkëshortja Shakira do performonte. Në fund ndeshja nuk u shty dhe Pique nuk ishte pjesë e Spanjës, me të tijtë që fituan 5-0.
“Rubi duhet të flasim për një çështje shumë të rëndësishme, duhet t’i bëjmë një nder njëri-tjetrit. Po ta shpjegoj, shoh që më datë 18 nëntor, të hënën Spanja ka një ndeshje me Rumaninë. Por, në atë datë starton Davis Cup dhe Shakira është pjesë e ceremonisë hapëse. Do të bëhet një shfaqje e madhe, ndërsa pasdite do të ketë ndeshje.
Nëse luhet në të njëjtën ditë edhe ndeshje e Spanjës atëherë do t’i prishim punë njëri-tjetrit. Nuk e di si është kalendari, por nëse e luajmë ndeshjen të dielën atëherë do të ishte një mrekulli. Nëse nuk ke filluar të shesësh biletat atëherë le ta spostojmë ndeshjen e kombëtares”, dëgjohet në audio-përgjimet e nxjerra nga mediet spanjolle.
Lexo gjithashtu
