Nëntë persona së bashku me automjetet e tyre sportive janë shoqëruar në ambientet e policisë në Tiranë, pasi janë konstatuar se bënin gara shpejtësie në rrugët kryesore të kryeqytetit.
Sipas "Top Channel", në sheshin “Nënë Tereza” janë konstatuar mjete duke bërë gara me shpejtësi dhe ‘drift’, ku janë ndaluar një automjet tip Honda, 4 lloje Mercedes Benz, një BMW dhe një Nissan. Ndërkohë që një mjet Volkswagen dhe Mercedes Benz janë ndaluar pranë mbikalimit pranë "Kopshtit Zoologjik" duke zhvilluar gara shpejtësie.
Drejtuesit e mjeteve u ndëshkuan nga agjentët verifikues me gjobë.
Mjetet janë shoqëruar në ambientet e Policisë së Tiranës dhe disa prej tyre do t’i nënshtrohen ekzaminimeve teknike, pasi dyshohen të kenë bërë modifikime në sistemin e shpejtësisë dhe pamjes së jashtme, mjete sportive.
Lexo gjithashtu
