Lojërat Olimpike të Tokyos kanë shpalosur edhe jetët e sportistëve. Peshëngritësi Arley Mendez që përfaqësoi Kilin në Olimpiadë pranoi se kishte konsumuar marijuanë përpara pak muajsh për t'u kapur me doping, pak ditë përpara testeve për sportistët që do garonin në Tokyo.
Mendez garoi në kategorinë e peshëngritjes 81 kilogramë, por përfundoi në vendin e fundit pasi nuk arriti ta ngrinte asnjë peshë. I frustruar dukshëm nga fakti se ai nuk arriti të bëjë një përshtypje të mirë në vendin e tij, atleti tregoi gjithçka dhe pranoi se është në depresion, kjo është arsyeja pse ai tymosi me qëllim marijuanë, për t'u kapur me doping.
"Një javë isha në Cali dhe isha në depresion, kështu që piva marijuanë. Cili sportist e bën këtë 48 orë para se të testohet? E bëra këtë me qëllim për të shkuar në ferr. Kam pasur një 2017 shumë të mirë, pastaj vitin tjetër problemet filluan. Por unë vazhdova, dhe shkatërrova këmbën time nga një frakturë stresi. Unë kam një hernie diskale. Unë kam mbaruar.
Unë jam në presion, nuk dua të ngre më pesha. Do t'i përkushtohem gjërave të tjera. Sporti më dhemb, vuaj shumë dhe më dhemb, depresione ... nuk mund të rezistoj më. Shpresoj te me kuptosh. Doja të tërhiqesha shumë kohë më parë, por ju e dini shumë mirë se çfarë po ndodh: Unë kam një familje dhe duhet ta ushqej atë," rrëfeu Mendez.
Historia e jetës së tij është mbresëlënëse. Në moshën 19 vjeçare u largua nga Kuba për t'i shpëtuar regjimit. Me të mbërritur në Kili, ai fitoi një garë të peshëngritjes, por më pas u largua nga skuadra në të cilën ishte pjesë, prandaj trajneri i mori pasaportën. Kështu, Mendez duhej të punonte ilegalisht, duke fituar rreth 300 dollarë në palestër.
Lexo gjithashtu
