Trajneri i Kombëtares franceze Didier Deschamps ka qenë shumë i lumtur për performancën e skuadrës së tij në dy ndeshjet e para eleminatore të Euro 2024. Franca fitoi 4-0 përballë Hollandës ndeshjen e parë ndërsa të dytën e fitoi minimalisht 0-1 në Irlandë.
Në të dyja takimet “Gjelat” nuk pësuan asnjë gol dhe kjo edhe për meritë të portierit Mike Maignan. Me Hollandën ai i priti një penallti në fundin e lojës Memphis Depay ndërsa ndaj Irlandës bëri një super pritje pas një goditjeje me kokë nga vendasit. Pikërisht kjo pritje minutat e fundit të ndeshjes në Dublin ka pasur shumë komente dhe ka bërë xhiron e rrjetit. Hedhja e Maignan është gati-gati e pamundur. Edhe Deschamps nuk la pa thurur elozhe për portierin e Milan.
“Pritja e Maignan vlen më shumë se një gol”, thotë tekniku francez. “Ishte një stopim i jashtëzakonshëm. Por nuk surprizohem, e di se ëfarë është në gjendje të bëjë ai. Mike i ka të gjitha kualitetet, arritjen dhe mentalitetin. Ishte gjithashtu dhe pritja e penalltisë me Hollandën. Por kjo pritje është më shumë se të gjitha. Nuk kam dyshime apo pasiguri për vazhdimësinë. Kur Mike është në zotërim të plotë të cilësive të tij, është një nivel shumë i lartë”, përfundoi Deschamps.
[caption id="attachment_686493" align="alignnone" width="300"]
Pritja e Maignan[/caption]
Lexo gjithashtu
