Trajneri i Francës, Didier Deschamps, ka thënë se sulmuesi Karim Benzema do të kthehet në Kombëtare.
Benzema ishte përjashtuar nga Kombëtarja për shkak të një videoje që ka nxjerrë për mikun tij Mathieu Valbuena dhe për këtë mungoi në Euro 2016.
Ditë më parë presidenti i federatës së futbollit francez, Noel Le Graet, kishte thënë se Deschamps është i lirë të ftojë kë të dojë në kombëtare.
“Ajo që ka ndodhur i përket të kaluarës. Nuk shoh asnjë pengesë që ta thërras atë. Disa lojtarë kishin bërë deklarata kundër meje, por kjo nuk më ndaloi për t’i ftuar ata. Ftesa nga kombëtarja nuk është një deklaratë dashurie.
Nëse mendoj që është mirë për ekipin të ftohet Karim, atëherë unë do ta thërras. Unë vendimet i marr vetëm me arsye sportive. Vendimet e mija vijnë për të mirë e skuadrës. Karim mbetet një prej sulmuesve më të mirë që ka Franca.
Nuk është asgjë e pamundur. Lassana Diarra nuk ka luajtur për Francën për shumë vite, por tani është kthyer. Askush nuk e di se çfarë ndodh në të ardhmen”, ka thënë Deschamps.
Loading ...
